واحد المكلخ قال لصاحبو : الحمد لله ملي ما تزاديتش ف الميريكان
قال ليه صاحبو : وعلاش؟
قال ليه المكلخ : تسطيتي أولا مالك؟ أصاحبي ما كنعرفش نهدر النجليزية
----------------------------------------------------------------
واحد مكلخ مشى عند طبيب نفساني وقال ليه : دكتور، كتجيني واحد الحالة فشكل
كنهدر مع الناس وما كنشوفهومش
قال ليه الطبيب: وإيمتا كتجيك هاد الحالة ؟
قال ليه المكلخ : ملي كنهدر ف التلفون
----------------------------------------------------------------
واحد المبوق بغى يسيفط مـيـسـاج لمرتو
كتب ليها: إلـى أرق وأعـذب و أحـلـى وأجـمـل وأكـرم وأشـرف وأحـمـد وابـراهـيـم وحـسـن والـدراري كامـلـيـن الله يـحـفـظـكـم !!
----------------------------------------------------------------
هادا واحد مكلخ ضرباتو طوموبيل، ناضو عطاوه مية ألف ريال تعويض
من بعد، مشى للمحطة ووقف ف السكة ديال التران، و قال: أراااااااااااااااااااااك للملايين
----------------------------------------------------------------
واحد قال لصاحبو مبوق : عرفتي أنا إيلا شربت القهوة ما كنقدرش ننعس
قال ليه المبوق : أنا العكس ديالك، إيلا نعست ما كنقدرش نشرب القهوة
----------------------------------------------------------------
هادو جوج مبوقين، ناض واحد فيهم كيفهم على صاحبو
قال ليه: قول ليا مع من مصاحب نقول ليك شكون نتا
قال ليه صاحبو: مع من مصاحب؟
قال ليه المبوق: شكون نتا؟
----------------------------------------------------------------
هادا واحد مبوق سول صاحبو: فين تولدتي؟
قال ليه صاحبو: ف السبيطار
قال ليه المبوق: مالك أصاحبي كنتي مريض؟
----------------------------------------------------------------
واحد خرجوه من الامتحان ديال الرياضيات، علاش؟
لقاوه كاتب جدول الضرب مورا الكالكيلاتريس
----------------------------------------------------------------
أستاذ ديال الإنجليزية قال لواحد التلميد: دير ليا
She has في جملة مفيدة
قال ليه التلميذ : شي هاز اللحم وشي هاز الهم
----------------------------------------------------------------
واحد الغليض مشى عند الطبيب وقال ليه: بغيت ندير ريجيم، تقهرت بهاد الغلض
قال ليه الطبيب: كول نص خبزة ف الفطور، ونص خبزة ف الغدا، ونص خبزة ف العشا
قال ليه الغليض: واش قبل الماكلة أولا بعد منها؟
----------------------------------------------------------------
هادا واحد المبوق، ملي كيضرب البرق، كيفرنس
كيصحاب ليه كيصوروه
----------------------------------------------------------------
واحد مبوق قاعد قدام التلفزة وكيضحك
قال ليه صاحبو: مالك؟
قال ليه المبوق: دابا هادي تلفزة، و ملي كنسد عيني، كتولي راديو
