كيكة باردة ومنعشة بالفواكه
[ندعوك للتسجيل في المنتدى أو التعريف بنفسك لمعاينة هذه الصورة]أولا مقادير الكيكة وهي ساهلة " 2بيضات + 1 دانون فاني + 1 خمارة +1 لافاني + نصف كاس دانون بالزيت +نصف كاس دانون بالسكر + كأس دانون بالدقيق نخدمها فحال اي كيكة ونعملوها في المول اللي كيتحل من الجنب مدهون بالزبدة والطحين
وهي كتطيب نوجدو حنا لاكريم باتيسيير اما الجاهزة او نعملوها بيدينا بالحليب والبيضة والسكر ولافاني والمايزينا . مللي نخرجو الكيكة من الفرا ن نكبو فوق منا مباشرة لاكريم
ونجيبو الفواكه اللي متوفرة عنا فالدار ونزينوها بها مباشرة فوق لاكريم بشكل مرتب ومزيييييون ههههه
من بعد هاد الخطوة كنحطو كيكة ديالنا في الثلاجة وكنوجدو الفلان مكون من 3 خنيشات ديال الفلان العادي + 2 كيسان ديال العنبة عصير البرتقال + 3معالق ديال السكر نعملوهوم فوق البوطة حتى يغلى الخليط
نكبوه مباشرة فوق الفواكه ونرجعوه للثلاجة يبرد وهاهي الكيكة ديالنا واجدة بالصحة والراحة.
