هادا واحد الولد مستيلي كان راكب ف الطوبيس ولابس سبرديلة ديال ربعين ألف ريال
جات واحد المرا شارفة عفطات عليه
قال ليها: سمحي ليا أ الوالدة، راكي عافطة على ربعين ألف ريال
تحنات المرا مادة إيديها وقالت ليه: ديال أوليدي
*********************************************************************
واحد مشى عند مول الشفنج، قال ليه: عطيني كيلو ديال الشفنج.
كلاه وما شبعش، قال ليه: زيد نص كيلو.
كلاه وما شبعش، قال ليه: زيد رابعة.
كلاه وهو يشبع، وقال تفوووووووو من اللول كنت ناخد رابعة.
*********************************************************************
واحد الكوري ديال القناين جا حدا واحد الفيرمة ديال خيزو.
مول الفيرمة ديما كينوض ف الصباح، ما كيلقى حتى خيزوة
عيا ما يتشكى لمول الكوري، ما دار ليه والو. هو ينوض واحد المرة بالليل وحيد السنان للقناين كلهم ونعس مرتاح
ف الصباح ملي ناض، ما لقى تاني حتى خيزوة
هو يشد واحد القنية من ودنيها وقال ليها : كي درتو حتى كليتو خيزو؟
قالت ليه :درناه عثير و ثربناه كولو.
********************************************************************
سولوا واحد المبوق: أشنو الفرق بين الشتا والصيف؟
قال ليهم: نقطة
قالوا ليه: كيفاش؟
قال ليهم: الصيف عرق، والشتا غرق
*********************************************************************
واهد الراجل مخاصم مع مرتو. عيط ليها من الخدمة وقال ليها: أشنو دايرة للعشا؟
المرا كاعية، قالت ليه: السم
قال ليها: مزيان، إيوا غير تعشاي ونعسي راني غادي نتعطل اليوم ف الخدمة
*********************************************************************
واحد المكلخ شرى أيفون. شوية رجعو للمحل، وقال ليهم: ما حشمتوش؟ بعتوا ليا أيفون قديم
قالو ليه: باش عرفتيه قديم؟
قال ليهم: التفاحة اللي فيه معضوضة.
*********************************************************************
واحد الولد سول باه: بابا أشنا هو الموديم؟
قال ليه باه: ما عرفتش أولدي.
قال ليه الولد: أشنا هي الانترنت؟
قال ليه باه: ما عرفتش أولدي.
قال ليه الولد: أشنا هي العولمة؟
قال ليه باه: ما عرفتش أولدي.
قالت ليه أمه: خلي عليك باك بركة من التبرزيط
قال ليها راجلها: لا، خلي الولد يستافد.
*********************************************************************
واحد السبيطار ديال الحماق خرجوهم للشانطي باش يشوفوا شكون اللي دار عقلو.
قالوا ليهوم: اللي تلقى لشي طوموبيل نعطيوه طريف ديال ماروخا.
كلشي كيتلقى للطوموبيلات وكيتشتت، إلا واحد بقى كيرواغ على الطوموبيلات، وهوما يقولوا هادا مول العقل.
سولوه: علاش كتراوغ؟
قال ليهوم: كنتسنى شي رموك باش ندي باكيا كاملة ديال ماروخا.
***********************************************************************
واحد البنت واقفة بطموبيلتها فالفوروج.
شعل الاخضر ما مشاتش. شعل الاصفر ما مشاتش. شعل الاحمر ما مشاتش.
وهو يجي عندها البوليسي و قال ليها: سمحي لينا أختي، راه غير هاد اللوينات اللي عندنا.
**********************************************************************
[ندعوك للتسجيل في المنتدى أو التعريف بنفسك لمعاينة هذه الصورة]**********************************************************************
واحد المعلم ديال الابتدائي قال للتلاميد دياولو: أنتم رجال المستقبل، أنتم مصابيح الغد
وهو يوقف واحد التلميد وشير لصاحبو اللي ناعس على الطاولة حداه: أستاد أستاد، ها واحد البولة تسوطات.
************************************************************************
واحد شرا بارابول بالتخبية من دارهم وخباه ف السطاح، وقال ليهم: حتى واحد ما يطلع للسطاح، راه شريت كلب كبير و جاعر.
ناض خوه طلع للسطاح باش يشوف أشنو كيان، وملي نزل جا كيجري ومخلوع.
سولوه: شفتي الكلب؟
قال ليهم: لا، شفت غير الطبسيل فاش كياكل.
************************************************************************
[ندعوك للتسجيل في المنتدى أو التعريف بنفسك لمعاينة هذه الصورة]
