شفت ماما كدير هاد القراشل ديال زمان
انا شخصيا كيعجبوني بزاف خصوصا ان فيهم الزرارع المفيدة للصحة
نتمنى يعجبوكم
المقادير:
3زلايف فورص
3زلايف فينو
زلافة سكر
زلافة زيت
2معالق خميرة معجونة
كاس جنجلان محمر
2معالق نافع
كاس ماء زهر
2خمارات حمرة
قبسة د الملح
ماء دافئ
بيضة مخفوقة و جنجلان للتزين
الطريقة:
في قصعة كبيرة نديرو الطحين جنجلان النافع السكر الزيت خمارات حمرة كاس ماء زهر
دوبي الخميرة في شوية ديال الماء دافئ زيديها على الطحين وجمعي لعجينة بالماء دافئ
ديري العجينة فميكة و خليها ترتاح
منين ترتاح العجينة دهني القصعة بالزيت ديري كويرات صغيرة وكرصيهم وستفيهم في اللاطة غطيهم وخليهم يخمرو
منين يخمرو دهنيهم بالبيض و رشي جنجلان تقبيهم بالفرشيطة وخبزيهم ف الفران
